Os seres máxicos da nosa mitoloxía serán o fío condutor dunha serie de actividades guiadas polo Colectivo Xurelo e Ab Origine no marco do programa Apego.
Trátase de actividades de hora e media de duración que constan dunha pequena explicación de carácter antropolóxico, un contacontos, un obradoiro de debuxo guiado e un obradoiro de artesanía, con acompañamento musical de Marcelo Dobode. Desenvolveranse ao longo do ano en distintas parroquias e localizacións do concello de Pontevedra.
As xornadas están pensadas e adaptadas para que as familias con crianzas a partir de 3 anos entren en contacto coa antropoloxía da cultura propia dunha maneira interxeracional e lúdica, a través dos seres máxicos que habitan o noso imaxinario mitolóxico, ao tempo que se fomenta o uso da lingua entre as crianzas.
Todas as actividades son de balde, mais cómpre inscribirse previamente porque as prazas son limitadas. Para anular ou modificar a solicitude podes escribir a normalizacionlinguistica@pontevedra.eu.
Se vives no concello de Pontevedra, tes crianzas de 0 a 6 anos (ou vas ter) e aínda non formas parte do programa Apego, visita o web e pide cita para sumarte.
Programa de actividades
Lobishomes e peeiras, co Colectivo Xurelo e Ab Origine
Para familias con crianzas a partir de 3 anos.
Achegamento en familia ao mundo máxico da nosa mitoloxía cunha sesión centrada nos lobishomes e as peeiras. A sesión inclúe: charla explicativa, contacontos, obradoiro de debuxo guiado, obradoiro de artesanía e música en directo.
— De 11.30 h a 13 h na finca da Casa do Pobo de Cerponzóns
Tronantes, nubeiras e facedores de tormentas, co Colectivo Xurelo e Ab Origine
Para familias con crianzas a partir de 3 anos.
Achegamento en familia ao mundo máxico da nosa mitoloxía cunha sesión centrada nos tronantes, as nubeiras e os facedores de tormentas. A sesión inclúe: charla explicativa, contacontos, obradoiro de debuxo guiado, obradoiro de artesanía e música en directo.
— De 11.30 h a 13 h no adro do mosteiro de Lérez
Alicornos, lobernos e rampoñas, co Colectivo Xurelo e Ab Origine
Para familias con crianzas a partir de 3 anos.
Achegamento en familia ao mundo máxico da nosa mitoloxía cunha sesión centrada nos alicornos, lobernos e rampoñas. A sesión inclúe: charla explicativa, contacontos, obradoiro de debuxo guiado, obradoiro de artesanía e música en directo.
— De 11.30 h a 13 h na área de lecer Chan da Parafita (monte da Fracha)
Encantos, a galiña dos pitos de ouro e tesouros encantados, co Colectivo Xurelo e Ab Origine
Para familias con crianzas a partir de 3 anos.
Achegamento en familia ao mundo máxico da nosa mitoloxía cunha sesión centrada nos encantos, a galiña dos pitos de ouro e os tesouros encantados. A sesión inclúe: charla explicativa, contacontos, obradoiro de debuxo guiado, obradoiro de artesanía e música en directo.
— De 11.30 h a 13 h no campo da festa da ermida de San Cibrán (Tomeza)
A Moura e a Vella, co Colectivo Xurelo e Ab Origine
Para familias con crianzas a partir de 3 anos.
Achegamento en familia ao mundo máxico da nosa mitoloxía cunha sesión centrada na lenda da Moura e a Vella. A sesión inclúe: charla explicativa, contacontos, obradoiro de debuxo guiado, obradoiro de artesanía e música en directo.
— De 11.30 h a 13 h no parque da Casa Verde (Salcedo)
Máis información:
Servizo de Normalización Lingüística do Concello de Pontevedra
Teléfono: 986 863 157
normalizacionlinguistica@pontevedra.eu
snl.pontevedra.gal
instagram.com/lingua_pontevedra
facebook.com/apego.gal
apego.gal
Formulario de inscrición
"*" Indica os campos obrigatorios