Rocklab é un programa de formación musical alternativa para nenos e nenas de 4 a 13 anos, promovido pola Concellería de Cultura de Pontevedra e desenvolvido por Artecalavera SL.
O proxecto continúa a consolidarse como un espazo único onde a infancia non só aprende música, senón que crea, experimenta e se expresa a través dela, construíndo mensaxes propias que reflicten as súas preocupacións, soños e visión do mundo.
A produción de contido orixinal —gravacións, cancións, vídeos e creacións escénicas— xunto coa sensibilización arredor da igualdade e a diversidade seguen a ser piares fundamentais desta extraordinaria aventura musical que é Rocklab.
Rocklab parte da convicción de que a música é unha ferramenta poderosa para a formación integral da infancia, favorecendo a creatividade, a cooperación e o pensamento crítico. Nesta edición reforzamos o sentido crítico social, cun enfoque específico en:
- Igualdade de xénero
- Diversidade cultural e social
- Emprego da música como motor de cambio e crecemento persoal
O proxecto consolida tamén a súa dimensión comunitaria, fortalecendo colaboracións con centros educativos e entidades culturais da cidade.
| LUNS | |||
|---|---|---|---|
| Grupo 1 | 16:00 – 17:00 | 4 anos | Tralla no Garaxe |
| Grupo 2 | 17:30 – 19:00 | 7- 9 anos | Estrelas do Pop |
| Grupo 3 | 19:00 – 20:00 | 10 – 11 anos | Contos Eléctricos |
| MÉRCORES | |||
|---|---|---|---|
| Grupo 4 | 16:00 – 17:00 | 5 a 6 anos | Tolos polo Funk |
| Grupo 5 | 17:30 – 19:00 | 8 -10 anos | Revolta! |
| Grupo 6 | 19:00 – 20:00 | 11 en adiante | Banda do Rocklab |
TRALLA NO GARAXE - Grupo 1 - Rapazada de 4 a 5 anos + 1 familiar
Luns de 16:00 a 17:00
Rapazada de 4 a 5 anos + 1 familiar
Un obradoiro onde os máis pequenos inician a súa andadura na experimentación e creación musical a través da música Rock.
Os alumnos acoden a esta actividade acompañados dun familiar para participar na representación de cancións inspiradas en bandas coma os White Stripes, The Subways, King Gizzard and the Lizard
Formulario de rexistro pechado
TOLOS POLO FUNK - Grupo 4 - Rapazada de 5 a 6 anos
Mércores de 16:00 a 17:00
Rapazada de 5 a 6 anos
Se existe un estilo que nos fai vibrar e bailar este é o Funk! Preparádevos para mover o esqueleto a golpe de artistas como James Brown, Jamiroquai, Red Hot Chilli Peppers e Fatboy Slim. Samplers, ritmos batería e teclas serán as ferramentas das nenas e nenos deste obradoiro que darán vida a unha historia divertida ao redor da creación deste xénero tan divertido.
Formulario de rexistro pechado
ESTRELAS DO POP - Grupo 2 - Rapazada de 7 a 9 anos
Luns de 17:30 a 19:00
Rapazada de 7 a 9 anos
Por primeira vez o Brit Pop chega ao Rocklab. Guitarras, sintetizadores e moita percusión serán os elementos que axudarán a recordar grandes cancións de bandas coma Oasis, Primal Scream ou Blur.
Formulario de rexistro pechado
REVOLTA! - Grupo 5 - Rapazada de 9 a 10 anos
Mércores de 17:30 a 19:00
Rapazada de 9 a 10 anos
Como cada ano aproveitamos para berrar a necesidade de cambio a través da música. En Revolta lanzamos unha mensaxe en clave de loita pola igualdade a través das bandas punk femininas máis destacadas da historia da música Rock. L7 e Bikini Kill, serán fonte da nosa inspiración para cambiar o mundo a golpe de guitarra eléctrica e batería.
Formulario de rexistro pechado
CONTOS ELÉCTRICOS - Grupo 3 - Rapazada de 10 anos
Lunes de 19:00 a 20:00
Rapazada de 10 anos
Unha vez máis o alumnado do Rocklab fai un equipo para crear cancións baseándose na obra dos autores homenaxeados deste ano do Salón así como as temáticas asociadas.
Baterías, guitarras e baixos eléctricos, sintes, voces e unha serie de cancións únicas e irrepetibles compostas polos propios alumnos do noso Rocklab!
Formulario de rexistro pechado
BANDA DO ROCKLAB - Grupo 6 - Rapazada de 11 a 13 anos
Mércores de 19:00 a 20:00
Rapazada de 11 a 13 anos
Un ano máis, a banda do Rocklab estará conformada polos máis grandes, que serán os encargados de compoñer cancións orixinais con temática social convidándonos a deternos e repensar moitos dos desafíos da época na que vivimos.