Convocatoria de presentación de propostas “NOITES ABERTAS 2027”

Nome descritivo da actividade

Incorporade algún elemento descritivo a través de enlace a algún blog, páxina web, facebook, instagram, vídeo… que exemplifique a actividade que propoñedes

Para que a facedes? Que queredes conseguir levando a cabo esta actividade que propoñedes, no marco de Noites Abertas

A quen vai dirixida a vosa actividade? Noites Abertas diríxese ao rango 12-30 anos, mais podedes destinar a vosa actividade a outro sub-rango de idade, espicificándoo, de non facelo entenderase que é 12-30 anos. Delimitade tamén cal é o número de prazas máximo por sesión.

Como a realizaremos? Xeito de desenvolver a actividade. Como a impartiremos?

Onde a realizaremos? Como ten que ser o espazo onde desenvolver a actividade e cal escolledes: CEIP Froebel, Casa Azul, Pavillón Multiusos, Campos de Herba sintética da Xunqueira, Local de Música. Se é unha actividade ao aire libre, cal é a ubicación que pensades utilizar? (praza, roteiro, praia fluvial, etc).

Cando o realizaremos? Podedes escoller entre as datas do calendario de Noites Abertas: venres e sábados: 19, 20, 26 e 27 de febreiro, 5, 6, 12, 13, 19, 20 de marzo, (parón de Semana Santa), 2, 3, 9 e 10 de abril de 2027. No caso de non ter prefencia por ningunha data concreta, especificade simplemente se preferides venres ou sábados ou un mes concreto. De todos xeitos, as datas definitivas estableceranse posteriormente coa coordinación do programa en función das necesidades da programación definitiva.

Entre as 20:00 e as 00:00 Escollede unha franxa horaria de mínimo 1 hora e máximo 2 horas, por exemplo: 21-23 , 22-00 …

Quen impartirá a actividade? Incluir a relación de persoas que van actuar como monitor/a da actividade: nome, idade, teléfono, e-mail e breve reseña do seu currículum na que se detalle a súa experiencia en relación á actividade que vai impartir (froito da experiencia laboral, voluntaria ou dalgunha afección que practica).

Indicade o que debe levar a persoa participante á hora de acudir á actividade (ex. auga, esteira, calzado para mollar, un instrumento musical, calzado cómodo, …) Non pode supor unha grande achega persoal para poder participar.