Un smartphone é todo o que se precisa para practicar para practicar o Geocaching, a versión dixitalmente asistida do clásico xogo da procura do tesouro. Unha actividade orixinal que combina tecnoloxía, a actividade física e a capacidade de traballo en equipo ideal para practicar en familia.
Persoas de todo o mundo agochan cachés e comparten as súas localizacións na internet, permitíndolle a outros buscadores e buscadoras vivir a aventura de atopalos. Así pois, a idea é a de desfrutar da natureza, fomentar o sendeirismo e o respecto polo medio natural ao tempo que serve para coñecer o parque forestal.
Unha vez atopado un caché, todo o que se lle pide as persoas participantes é que asinen conforme o atoparon e o deixen onde estaba.
Como iniciarse no geocaching
No mesmo día da actividade, antes de comezar a buscar, haberá unha breve explicación por parte do monitorado de como rexistrarse na páxina de geocaching e descargar a aplicación c:geo. Unha vez feito isto xa se poderá empezar a buscar os cachés.
Data: Sábado 6 de xuño
Lugar: O Pontillón do Castro
Punto de encontro: https://maps.app.goo.gl/d7cQfhBELzRwh6nU9
Horario: de 20.00 a 23.00 h
Duración da actividade: 3 horas
Actividade: familiar
Idades: adultos e cativada a partir de 8 anos
Prazas: 25 persoas
Imparte: Anias, formación e xestión sociocultural
Material: Smartphone con batería cargada, lapis ou bolígrafo para asinar, roupa adecuada en función do clima e o terreo e ganas de pasalo ben en familia
Recomendación
Roupa e calzado adecuado.
Preinscrición
A través dos formularios online o luns anterior ao desenvolvemento cada actividade por rigorosa orde de chegada. Unha vez enviado o formulario recibirá un correo-e de recepción da preinscrición e, comprobados todos os datos, outro de confirmación de asistencia.
Actividade gratuíta: prégase compromiso coa asistencia; se finalmente non puidese asistir, agradecemos que avise con antelación para poder ofrecer a praza a outra neno ou nena interesada.