Actividades APEGO no Outono 2024

Mércores 25 de setembro
PRENDE NO COLO, con Luís Prego e Samuel Soto
Para familias con crianzas de 0 a 3 anos
Sesión musical para aprender cantigas, cantos de berce, xogos de dedos, recitados e outras pezas pensadas para iniciar as crianzas na linguaxe, no ritmo e na melodía a partir de temas tradicionais galegos.
— Primeira sesión: de 17.15 a 18 h na Cova dos Libros Fantásticos
— Segunda sesión: de 18.30 a 19.15 h na Cova dos Libros Fantásticos

Mércores 16 de outubro
O POZO DO ENCANTO, con Lydia Botana e Fabaloba
Para familias con crianzas de 3 a 6 anos
Sesión de narración oral acompañada de música e kamishibai (teatro de papel xaponés). Con rimas, cancións e mostra de recursos para a crianza en galego.
— De 17.30 a 18.20 h no Pazo da Cultura

Venres 18 de outubro
TRALARÁ, CONTOS, OBXECTOS E MÚSICA, con Marta Ortiz
Para familias con crianzas de 0 a 3 anos
Sesión de contos co ritmo no corpo, con cantos e refráns, retrousos e rimas, contos versados e xogos de palabras.
— Primeira sesión: de 17.30 a 18.10 h na Cova dos Libros Fantásticos
— Segunda sesión: de 18.30 a 19.10 h na Cova dos Libros Fantásticos

Mércores 23 de outubro
O CUCO, VEU POR ACÁ E MARCHOU POR ALÁ, con Percubebés
Para familias con crianzas de 0 a 3 anos
Obradoiro musical para descubrir pequenas cantigas infantís e experimentar con diversos instrumentos de percusión da man de Marcelo Dobode e Beatriz Martínez.
— Primeira sesión: de 17.30 a 18.15 h no Pazo da Cultura
— Segunda sesión: de 18.30 a 19.15 h no Pazo da Cultura

Mércores 6 de novembro
COMERÁ O BEBÉ?!, con Cris de Caldas e Xabi do Camiño
Para familias con crianzas de 0 a 3 anos
Sesión de contos, poemas, xogos de mans e música da nosa tradición oral atravesados polo fío condutor da comida.
— Primeira sesión: de 17.30 a 18 h no Pazo da Cultura
— Segunda sesión: de 18.30 a 19 h no Pazo da Cultura

Venres 15 de novembro
CAFÉ DOROTHÉ, con Sonsoles Penadique
Para familias con crianzas de 2 a 6 anos
Obradoiro musical para cantar, bailar, xogar e aprendermos sobre as lindas cancións da nosa tradición recollidas pola musicóloga Dorothé Schubart durante as súas viaxes polas aldeas galegas.
— De 17.30 a 18.20 h na Cova dos Libros Fantásticos

Venres 22 de novembro
A GALIÑA DOS OVOS DE CONTO, con Pedras de Papel
Para familias con crianzas de 3 a 6 anos
Obradoiro creativo que axunta narración oral e arte plástica a través da creación de personaxes de conto con pasta de papel reciclada.
— De 17.30 a 18.30 h na Cova dos Libros Fantásticos

Venres 29 de novembro
PELICA DE BURRA, con Vero Rilo e Luís Iglesias
Para familias con crianzas de 0 a 3 anos
Obradoiro de narración oral e música para aprender xogos de colo, arrolos, igualdade e moito conto!
— Primeira sesión: de 17.30 a 18 h na Cova dos Libros Fantásticos
— Segunda sesión: de 18.30 a 19 h na Cova dos Libros Fantásticos