Actividades do programa Apego na primavera

Venres 10 de abril
Unha area de sal, con María e Carme da Pontragha
Para familias con crianzas a partir de 3 anos
Sesión de contos, cantos, música e baile para achegar as crianzas á herdanza que deixaron nais, avoas, tataravoas e todas as mulleres transmisoras da nosa tradición oral e popular.
— De 17.15 h a 18 h na Cova dos Libros Fantásticos
— De 18.30 h a 19.15 h na Cova dos Libros Fantásticos

Mércores 15 de abril
Música na pel, con Alma Blanco
Para familias con crianzas a partir de 2 meses (que aínda non se despracen)
Sesión para aprender unha rutina de masaxe equilibrada acompañada de arrolos, cancións tradicionais e xogos de tacto con base nos principios da Music Learning Theory de E. Gordon.
— De 17.30 h a 18.30 h na Cova dos Libros Fantásticos

Venres 17 de abril
Danzando na primavera, con Laura Martínez Rey
Para familias con crianzas a partir de 1 ano
Sesión que conecta lingua, corpo e movemento para explorar en familia os elementos propios da primavera a través da música.
— De 17.15 h a 18.05 h na Cova dos Libros Fantásticos
— De 18.30 h a 19.20 h na Cova dos Libros Fantásticos

Venres 24 de abril
O son que me arrola, coa Asociación Socio-Educativa Antonio Gandoy
Para familias con crianzas de 0 a 3 anos
Proposta de estimulación sonora para achegar as familias á música, e explorar a nosa cultura da man de cantos de berce, lerias, enredos e instrumentación.
— De 17 h a 18 h no Pazo da Cultura
— De 18.30 h a 19.30 h no Pazo da Cultura

Venres 8 de maio
Cantacontos para bebés, con Pablo Díaz
Para familias con crianzas de 0 a 3 anos
Viaxe a través dos contos coa música como fío condutor e con temas adaptados para as crianzas máis pequenas. As familias axudarán a entoar melodías e retrousos.
— De 17.30 h a 18 h na Cova dos Libros Fantásticos
— De 18.30 h a 19 h na Cova dos Libros Fantásticos

Sábado 9 de maio
Superpoderes das aves, con Alouette Machine
Para familias con crianzas a partir de 4 anos
Obradoiro para coñecer o funcionamento dunha imprenta tipográfica e achegármonos ao marabilloso mundo das aves que nos rodean. Ao tempo que xogamos coas palabras, poñemos en valor o noso patrimonio medioambiental e desenvolvemos a nosa creatividade compoñendo e imprimindo carteis e postais.
— De 11 h a 12 h nos xardíns do Doutor Marescot
— De 12.15 h a 13.15 h nos xardíns do Doutor Marescot

Xoves 14 de maio
A verbateca, con Mekané
Para familias con crianzas a partir de 4 anos
Obradoiro centrado no vocabulario cotián, que combina distintos xogos e probas para conseguir un tesouro de palabras fermosas. Ademais de enriquecer o noso vocabulario, traballaranse mediante o xogo aspectos como a memoria, a observación ou a coordinación.
— De 18 h a 19 h na Cova dos Libros Fantásticos

Venres 22 de maio
Peixe valente, con Sonsoles Penadique e Andrés Martínez
Para familias con crianzas de 0 a 3 anos
Actividade que combina música, poesía, narración e movemento para acompañar a historia dun peixiño valente que persegue o seu soño. Recitaremos, contaremos, cantaremos e xogaremos cun movemento natural e fluído como o do caudal do río.
— De 17.30 h a 18 h na Cova dos Libros
— De 18.30 h a 19 h na Cova dos Libros

Sábado 23 de maio
Ioga en familia, con Myriam Viéitez e Daniel Galiñanes
Para familias con crianzas de 2 a 4 anos
Unha práctica lúdica de ioga en familia coa que establecer conexión a través do movemento, a respiración e o contacto, e coa que aprendemos a nomear as partes do noso corpo.
— De 10.30 h a 11.30 h na illa do Covo

Sábado 23 de maio
Ioga en familia, con Myriam Viéitez e Daniel Galiñanes
Para familias con crianzas a partir de 4 anos
Unha práctica lúdica de ioga en familia coa que establecer conexión a través do movemento, a respiración e o contacto, e coa que aprendemos a nomear as partes do noso corpo.
— De 12.15 h a 13.15 h na illa do Covo

Venres 5 de xuño
Fíos do querer, con Cé Orquestra Pantasma
Para familias con crianzas de 0 a 3 anos
Obradoiro musical para xogar, cantar, bailar e explorar obxectos sonoros feitos a partir de materiais naturais.
— De 18.30 h a 19.30 h nos xardíns do Doutor Marescot

Martes 9 de xuño
Foliada con Apego, con Pablo Díaz e Olga Kirk
Para familias con crianzas de 0 a 6 anos
Encontro participativo cheo de música para compartir, cantar, bailar, aprender cancións e, sobre todo, pasalo ben. Quen teña instrumentos tradicionais de percusión na casa pode traelos para axudar a facer a festa.
— De 18.30 h a 19.30 h nos xardíns do Doutor Marescot