O mundo dos oficios tradicionais galegos e o artesanado será o fío condutor dunha serie de actividades guiadas por Polo Correo do Vento e Ab Origine, que arrancan na primavera no marco do programa Apego e se van desenvolver ao longo do ano en distintas parroquias e localizacións do concello de Pontevedra.
Trátase de actividades de hora e media de duración, que constan dunha pequena explicación de carácter antropolóxico, un contacontos, un obradoiro de debuxo guiado e un obradoiro de artesanía. Todo con acompañamento musical de Marcelo Dobode.
As xornadas están pensadas e adaptadas para que as familias con crianzas a partir de 3 anos entren en contacto coa antropoloxía da cultura propia dunha maneira interxeracional e lúdica, a través dos oficios e saberes populares.
Todas actividades son de balde, mais cómpre inscribirse previamente porque as prazas son limitadas.
Para anular ou modificar a solicitude: normalizacionlinguistica@pontevedra.eu
Se vives no concello de Pontevedra, tes crianzas de 0 a 6 anos (ou vas ter) e aínda non formas parte do programa Apego, visita o web e pide cita para sumarte.
Programa de actividades
OLEIROS E TELLEIROS, con Polo Correo do Vento e Ab Origine
— De 11.30 h a 13 h no adro da igrexa de Cerponzóns
COSTUREIRAS E PALILLEIRAS, con Polo Correo do Vento e Ab Origine
— De 11.30 h a 13 h no mosteiro de Lérez
CESTEIRAS E CESTEIROS, con Polo Correo do Vento e Ab Origine
— De 11.30 h a 13 h no centro social de Lourizán
CURANDEIRAS E MENCIÑEIROS, con Polo Correo do Vento e Ab Origine
— De 11.30 h a 13 h na área de lecer Chan da Parafita (monte da Fracha)
CARPINTEIROS, EBANISTAS E TONELEIROS, con Polo Correo do Vento e Ab Origine
— De 11.30 h a 13 h no mirador de Monte Porreiro
Formulario de inscrición
"*" indica os campos obrigatorios
Máis información:
Servizo de Normalización Lingüística do Concello de Pontevedra